【胡.說樓市】申請按揭突遇阻 私人貸款成關鍵!
253,330 次觀看
香港地上車難,買樓借錢都可以好困難,唔少人都想盡辦法可以借足按揭上會,但亦有唔少人有隱藏負債而不自知,由學生貸款、信用卡貸款,以至稅貸及私人貸款,原來都足以推低借貸能力,以下就係活生生嘅例子。 《胡.說樓市》FACEBOOK專頁,早前收到觀眾求助,表示去年見市道回落,於是跟太太出售物業套現,現時以月租14,000元租樓居住,但之後又覺得租樓開支太沉重,所以心思思希望重新上車。 目標購入600萬元物業,只可惜本身有私人貸款,影響按揭審批。現時男事主月入35,000元,連同太太25,000元,合共有60,000元收入,集兩人之力,原本供樓綽綽有餘,只可惜偏偏有兩筆私人貸款,一筆40萬,月供9,000元,還有四年多才供完;另一筆逾9萬元,月供5,000元,供款期尚餘年半。 選擇還清私貸款,手頭資金連積蓄只餘下185萬。但不還清私人貸款,又擔心影響借貸能力,未知能否借足八成按揭上車。 觀眾直指,因為本身信貸評級好低,如果不還清私人貸款,又擔心不能夠上車。現時樓市已經出現小陽春,他擔心這個銀碼的盤源,很快會所剩無幾。 當初一個衝動賣樓的決定,男事主話自己跟太太也面對沉重壓力。究竟一筆私人貸款可以推低借貸能力幾多? 究竟應該還清、抑或不還清好?如果本身有財務困身的你,值得繼續跟貼《胡.說樓市》及《YAHOO財經》平台合作的樓市節目,我們請專家教路。
2 人正在瀏覽
  • B
    有好多人真係唔知咭數有影響
  • bertbertchan
    大漲小回就急急賣樓去租, 見個市回又擔心想上返車, 來來回回印花稅都唔少錢, 人窮唔係無原因的
  • 先生
    放心啦,小陽春之後米又係跌。香銀儲備,由去年初1800億,跌到現在680億,仲有排走資呀。
    睇大局啦。樓價超過市民收入好多倍,仲升上去,邊個接火棒先?升到一億一呎,你都賣肝賣腎去買?咁有錢,去移民啦!紐約州、澳洲,600萬,有前園後園兩層有地庫有車房,開車一小時內到downtown,人均薪水仲高過香港,為何仲高追香港樓?
    而且大陸收緊走資,D錢落吾到黎架啦
  • 波子
    唔係以為買樓咁易喎!
  • walter
    工程師有地盤就6萬一個月半年合約上吳到會!再續都死! 吳續等失業!
  • Yu Yeung
    事主兩公婆有P loan在手,我當月息0.2%,點計都應該貴息過供樓。

    佢應該用手頭現金清數,另外壓縮開支,增加儲蓄,再由較二線嘅地區上車,以盡快減去租金開支,重新出發。
熱門商品