【專家分析】自駕概念股難賺錢唔襟炒

now.com 財經
1,065 次觀看・1 天前

【Now財經台】Tesla股價昨晚(17日)再破頂，港股部分自動駕駛概念股今日(18日)趁勢「開快車」，其中，北水愛股速騰聚創(02498)股價一度勁升逾17%，吉利汽車(00175)概念股知行汽車科技(01274)亦一度升逾5%，但呢類創新科技企業一般都未有錢賺，暫時只有黑芝麻智能(02533)及百度集團(09888)有盈利，呢浸炒作係咪只得一兩日貨仔？

南華金融集團副總裁莫灝楠估計，呢啲股份好大機會只升到一兩日，依家唔少內地服務提供者都唔係好賺到錢，唔止細公司，就連百度呢啲巨企都好難賺錢，雖然旗下愛奇藝及搜尋引擎賺到錢，但之前推出嘅「蘿蔔快跑」、「Apollo自動駕駛」等自動駕駛出行服務平台，仲未見到有穩定嘅盈利模式，連市值2000億元嘅網絡巨頭都咁難賺錢，更何況細公司。

Casper又話，就算成功研發到一套自動駕駛系統，亦有好多考慮因素，包括要有好多車肯用，或者顧客肯出錢支持，又要考慮市場有幾多競爭對手做緊相同業務，所以呢啲自動駕駛概念股純粹係食住個勢跟炒，講到要賺錢仍然好困難。