雅虎香港電視

【Now財經台】睇返唔同地區嘅銀行股，如果以最長10年、統一用美元計，包括股息嘅總回報，表現最好係美國銀行股，有近2倍利潤。不過，如果只計過去5年，美國銀行股表現反而係最差。展望未來5至10年，到底邊個地區嘅銀行股可以跑出？

資深經濟師羅家聰指，雖然用銀行股指數睇，日本嘅銀行股表現唔錯，但亦要留意，日圓過去5年大幅貶值，因此，加埋匯率因素，其實日本銀行股表現麻麻。

KC續指，歐洲及日本經濟近年幾乎冇增長，相反，美國經濟增長仍有約2%，原因係有好多投資活動，例如IPO都喺美國進行，呢啲投資活動可以帶動經濟增長，而投資活動多數涉及銀行股，因此，預期美國銀行股中長線仍相對强勢。