雅虎香港電視

【Now財經台】聽日上市嘅時代天使(06699)公布招股結果，最終以上限173元定價，一手中簽率1.5%，比當日諾輝健康(06606)嘅2%更低。不過，睇返諾輝上市頭幾日表現強勁，但之後就急回，相隔近4個月，最近先再破位，時代天使上市會唔會成諾輝翻版？

潤淼資產管理董事盧志威指，時代天使係值得買，因爲概念獨特，一定受歡迎，估計首日升約50%，如果首掛升少過50%可以追買，但升超過50%就唔好追入。

William又預期，時代天使股價以橫行為主，因爲今次冇基石投資者，大部分基金都冇貨，點都會有人加倉，所以應該會換一換手，早段走勢會比較反覆。