【專家分析】中電仲有幾多水位要睇季息

3,440 次觀看・1 個月前

【Now財經台】中電控股(00002)去年多賺6.2倍,雖然差過市場預期,但符合1月底嘅盈利預告,第4期中期息派維持1.21元,全年總股息3.1元,同2022年一樣。買公用股都係睇實股息,美國今年減息預期不斷押後,係咪會不利公用股嘅股價?不過,減息其實都已經係市場共識,只是時間問題,依家係咪部署公用股嘅好時機?

博威環球證券金融首席分析師聶振邦認為,一般嚟講,公用股係避險之選,若高息環境持續,港股短期未必有好大上升動力,所以資金可能會流入公用股。

聶Sir又指,中電仍可睇高一線,股價上半年有機會升上68至70元水平,全年股息近幾年都係派3.1元,如果股價要有明顯上升動力,要留意嚟緊派嘅季息會唔會由0.63元,加碼至0.7元,甚至更多,相信要有呢類驚喜,先可以刺激股價有顯著上升空間。