【名家給力場】點解太陽系唔係全部停牌?
9,071 次觀看
【Now財經台】太陽城集團(01383)創辦人周焯華,涉及在內地非法開設賭場被捕,他出任主席嘅太陽城集團及凱升控股(00102)今朝開市前停牌,但周焯華持股約37%嘅太陽娛樂集團(08082)照trade,股價一度急瀉逾60%,至於周焯華9月初已清倉嘅太陽國際(08029)亦要急瀉,太陽城、凱升申請停牌,係咪反映業務性質可能「有問題」? 《香港股票財技密碼》作者梁杰文指,如果公司業務同違法事件有好大關聯性,好難一時三刻就出澄清聲明,或解釋事件對公司業務嘅影響,所以最合適嘅做法都係停牌,周焯華同時出任太陽城及凱升主席,名義上、實際上都係參與公司營運,依家公司主席被捕,董事會層面都要諗對策,例如主席暫時停職或待聯絡到主席後,再出更詳細嘅聲明釋除市場疑慮,亦要滿足到港交所(00388)嘅復牌要求。Mike補充,到底周焯華被捕事件對呢啲公司影響有幾大,依家量化唔到,若最終周焯華被定罪,到時唔排除公司合作夥伴,會戴「有色眼鏡」看待公司。
熱門商品