雅虎香港電視

【Now財經台】港元拆息持續扯高，跟樓按相關嘅1個月拆息升至4.38厘，衝上14年高位，不過，本港銀行9月至今兩度上調最優惠利率(P)，分別加0.125厘及0.25厘，遠遠追唔到聯儲局年內加息3.75厘，睇返現時嘅形勢，港銀未來會唔會大手加息「追落後」？

經濟師羅家聰指，銀行一定會追加，過去幾十年，銀行1個月HIBOR及P，一般都有2厘至3厘息差，但依家連2厘都冇，相信情況唔會維持太耐，好快就會追加，尤其是1個月拆息、存款息冇下調跡象，銀行資金成本壓力好大。

KC又話，港銀追加未必要等到聯儲局議息先有行動，銀行可以自行作出加息呢個商業決定。