馬英九南京參觀中山陵 向國父棺木三鞠躬

11 個月前
台灣前總統馬英九琴日抵達上海,展開12日祭祖交流之旅,佢今朝抵達南京中山陵,喺墓室向孫中山棺木行三鞠躬禮。 馬英九今朝抵達中山陵謁陵之後,喺孫中山像前宣讀《孫中山遺囑》,之後敬獻花圈。馬英九之後會去武漢、長沙、重慶等等。佢係首位訪問內地嘅台灣前總統。 上一次台灣有最高層政治人物訪問內地,要數到2005年,時任國民黨主席連戰訪問內地,佢當時亦有率團到中山陵拜祭。