雅虎香港電視

百度原定琴日舉行人工智能「文心一言」嘅產品發布會，但臨時取消，百度之後宣布推出面向企業嘅「文心千帆」。面對批評，百度創辦人李彥宏接受訪問就話，文心一言生成圖片能力比ChatGPT強。 文心千帆係類似微軟早前公布嘅Microsoft 365 Copilot，可以生成簡報、訂機票以及酒店等，當中包括行政服務、金融服務、辦公服務，將人工智能融入企業工作入面。 不過文心一言嘅生成圖片能力受到質疑，李彥宏話，文心一言嘅做圖能力比ChatGPT強，又話再做一個ChatGPT冇意義，佢話，因為淘寶、微信等應用程式比安卓同埋蘋果IOS嘅價值仲大。