法國350萬人反退休改革 巴黎示威者多處縱火

現代電視
1 年前
法國爆發大規模反退休改革示威，多個工會發起第九輪聯合大罷工，聲稱罷工人數達到350萬人，巴黎嘅示威者同警方爆發嚴重衝突，多處有人縱火，近200名示威者被捕，至少有150名警察受傷。 法國政府早前動用憲法，強行通過退休改革方案，國民議會有議員發起對政府不信任投票，但都未能通過，即係馬克龍政府成功通過改革法案。 事件令示威升級，巴黎嘅示威演變成為衝突，示威者燃燒街上多日冇人清理嘅垃圾，防暴警察出動用催淚彈驅散，示威亦漫延到其他城市，里昂、波爾多都有示威。