疫情期間染疫後多次外出嘅42歲男子雷寶林，被控12項「使其他人蒙受感染的危險」罪，今日西九龍裁判法院判佢9項罪名成立，判監7個月15日。 案情指，雷寶林2022年2月24號至28號感染新冠病毒，之後涉嫌故意到訪深水埗吉野家、旺角美心以及惠康等地方，之後又喺社交平台話，兩年冇去過吉野家，又話「林鄭要攬炒，實去多啲藍店」，之後佢將自己快測陽性嘅相去社交平台。 被告就話，自己曾經兩次去檢測站同埋診所檢測，最後結果陰性，又話當時冇收到隔離令，唔知犯咗邊一條條例。