香港政府舉辦免費派發機票活動，首輪面向東南亞旅客。一名新加坡女子就喺網上話，抽中咗國泰嘅免費機票，但發現要俾200新加坡幣嘅稅，即係大約1200港幣，再加上食宿令佢難以負擔，覺得好掃興。 依名姓譚嘅女仔話，最初知道中獎好開心，但因為國泰只負擔機票錢，其餘近1200港幣嘅稅要自己俾，佢話，去韓國或者歐洲嘅稅大約都係300港幣，可能只係國泰收嘅稅就已經等如其他地方嘅機票錢。 國泰之後就回應，報導所指嘅107坡幣係國泰代政府收取嘅稅項以及附加費，而87蚊係燃油附加費，國泰喺條款入面都標明咗，得獎者要承擔附加費。