【Now財經台】港股12月開局以來表現強勢，恒指上周憧憬內地重啟經濟，一度衝破190000點，但最終企唔穩，不過，上星期仍累升逾千點或6%，科指更累升近11%，港股年底前似乎仍有力挑戰高位？離岸人仔兌美元升穿7算關口，係咪反映多咗資金趁年尾前部署返A股及港股？ 星展銀行(香港)豐盛私人客戶執行董事鄧威信指，過往一段時間投資者及基金針對A股和港股嘅配置係非常少，不過，隨著市場逐漸消化負面消息，Wilson相信，資金會繼續追入中資股或港股，雖然唔排除有「粉飾櫥窗」嘅可能，但睇返中長線，港股估值仍然係平，因此，資金會繼續追入。