雅虎香港電視

【Now財經台】雖然內地上季經濟增長好過預期，但港股繼續彈唔起，不過，發盈喜嘅比亞迪股份(01211)一度炒高逾8%，集團預告，第3季多賺最多1倍至115億人仔，再創季度新高，係咪反映比亞迪成功透過提升每架車嘅盈利能力，紓緩價格戰影響？

英皇資本財富管理方案研究總監陳錦興指，呢個情況相當明顯，可以睇到比亞迪按季增長十分強勁，相信同產品高端化策略有關，比亞迪過往畀人感覺主要做低端產品，但依家生產售價以百萬人仔計嘅車款，盈利自然有增長。佢又話，當集團正式派成績表時，會更清楚到底係高端化策略，還是成本控制特別好，令業績為市場帶來驚喜。

Stanley又指，比亞迪未來有機會爬Tesla頭，因為內地推出連串刺激經濟措施後，經濟動力逐漸回復，對電動車銷售及推廣等有幫助，加上集團推出新車，都對車市有幫助，比亞迪作為龍頭自然可以受惠。