雅虎香港電視

【Now財經台】美國電動車龍頭Tesla上周四(10日)晚上舉行RobotTaxi發布會，Tesla股價今年暫時累跌4%，跑輸標普500指數，上周五(11日)收報217.8美元，單日大跌8%，其中1個跌因可能係發布會冇提及RobotTaxi細節，令市場失望，Tesla股價未來會點走？

高富金融集團投資總監梁偉民指，仍要留意市場之後對RobotTaxi嘅睇法有冇變，Tesla股價喺發布會前處於240美元水平，而Tesla今年股價低位喺150美元水平，反映市場對無人駕駛及機械人發展有一定憧憬，Tesla股價未來走勢將取決於市場對無人駕駛嘅睇法，又認為單靠賣電動車，唔足以支持Tesla股價企喺200美元樓上，依家Tesla市盈率(PE)約100倍，預測PE約90倍，處於一個超高水平。

Wyman又提醒，如果市場嘅情緒進一步轉差，Tesla股價有機會跌至200美元水平。