【專家分析】伊朗恐襲事件引發避險需求?

1,280 次觀看・3 個月前

【Now財經台】伊朗發生恐襲事件,死傷嚴重,雖然伊朗軍艦近日進入紅海似乎係「雷聲大雨點小」,但昨晚(3日)嘅恐襲事件令中東局勢再升溫,油價隨即急彈4%,不過,金價就跌1%,恐襲事件會唔會引發新一輪避險需求?

鴻鵠資產管理行政總裁陸庭龍認為,中東局勢比較複雜,唔係咁易化解,油價急升反映地緣政治形勢複雜,市場擔心航道受影響或衝突擴大,影響原油供應。

佢又指,金價下跌主要反映美國聯儲局未必會咁快減息,會比市場預期遲,加上美國10年期債息升穿4厘,不過,若地緣政治進一步惡化,相信金價都會反映實際避險情況。