雅虎香港電視

【Now財經台】美企繼續派成績表，昨晚(29日)輪到Google母公司Alphabet及晶片製造商AMD，其中，AMD業績令市場失望，雖然上季業績對辦，但今季營收展望差過分析員預期，拖累股價昨晚(29日)盤後大跌7%，係咪反映人工智能(AI)投資已由晶片基建，轉移至AI應用層面？如果依家買AI股應該點揀？

潤淼資產管理董事盧志威指，隨著AI發展，未來大部分企業都會大量應用AI，但要分清楚企業公司同AI基建嘅關係，例如晶片巨擘英偉達(Nvidia)喺AI基建係不能被取代嘅龍頭，令公司生意長做長有，但最近有半導體公司嘅業務指引顯示增長放慢，所以揀半導體股要睇公司基本面，因為基本因素係反映公司喺AI行業細分領域嘅增長，以及可唔可以繼續支持股價繼續企喺高位。