雅虎香港電視

【Now財經台】舊年「股神」巴菲特旗下投資旗艦巴郡少賺近48%，巴菲特喺一年一度嘅「給股東的信」裡面都「認衰」，提及投資飛機及工業零件製造商PCC(Precision Castparts Corp.)失利，因疫情嚴重打擊航空業，導致巴郡要作約764億美元資產減值。

陳俊文認爲，巴郡賺少咁多，除了錯誤投資PCC，一定仲有其他原因，舊年投資傳統股好難唔輸錢，只有部分銀行股有得升，能源股就全線下挫。「股神」都可能犯「凡人的錯」，基金經理總亦唔可能完全唔會「買錯貨」，輸錢比例少已經係唔錯。