雅虎香港電視

【Now財經台】市場仍喺度爭拗緊幾時放寬貨幣政策，其實美國聯儲局唔止得減息呢招，仲可以喺縮表方面「做嘢」，現時聯儲局嘅資產負債表規模已由高峰時期約9萬億美元降至不足8萬億美元，聯儲局應唔應該先停止縮表，貨幣政策就「鬆一鬆手」，再配合減息行動？

資深經濟師羅家聰認為，聯儲局應該先停止縮表，效果等同加息，如果一路縮表一路減息，政策訊號會變得唔清晰，令市場感到疑惑，所以停止縮表係最正路嘅做法。

KC又話，依家最大問題係縮表規模大，但到依家又唔係縮得好多，所以現階段叫停又好難同市場交代，睇返縮表路線圖，其實仲有調整空間，由於美國通脹放緩，聯儲局唔想繼續「收水」，就出現一路減息一路縮表嘅古怪做法，過往聯儲局一定唔會咁做。