雅虎香港電視

【Now財經台】市傳中美會就第一階段貿易協議進展再「埋枱傾」，另有報道話，拜登政府可能會保留前朝嘅中國「禁投令」，對投資氣氛、制裁股有咩影響？

華盛証券證券分析師聶振邦認為，近期港股情緒都比較利淡，市場解讀消息時都冇咁樂觀，著眼點都係睇返買美國貨嘅執行程度有幾高，同埋中美會唔會有合作，相對於特朗普時代，拜登政府同中國嘅關係算係有改善，投資者暫時都唔使太擔心。

聶Sir又話，制裁股仍比較波動，以中國移動(00941)為例，雖然股價已升返上去，但如果「禁投令」唔解除，可能會再出現一輪拋售潮，投資者要有心理準備，中資電訊股或油股有機會回調4%至6%。