雅虎香港電視

【Now財經台】美國感恩節假期前夕，最新就業數據穩健，上周首次申領失業救濟人數減幅超預期，投資者繼續押注加息周期完結。美股3大指數昨晚(22日)全線向上，道指收市升184點，衝上逾3個月高位，標指及納指各升約0.4%。

不過，密歇根大學消費者信心調查終值顯示，消費者對未來1年嘅通脹率預期終值為4.5%，升至7個月高位，消費信心指數則反覆向下，似乎市場並非一面倒支持加息周期完結嘅憧憬。

東亞銀行財富管理部首席投資策略師李振豪指出，依家睇唔到有提前減息嘅因素，首先，通脹掉期合約(Inflation swap)及平衡通脹率(Break-even rate)反映，市場預期美國通脹率會維持喺3.5%水平，遠遠未到聯儲局2%嘅目標。其次，雖然芝商所Fed Watch利率期貨數據顯示，市場炒作緊最快明年3月減息，但如果預期成真，反而代表當地經濟非常不景氣，因此，炒減息預期嚟推高美股站不住腳。