【專家分析】美股後市最大隱憂係...

7,374 次觀看・1 個月前

【Now財經台】市場等緊「科技七雄」(Magnificent 7)之一嘅全球晶片巨擘英偉達(Nvidia)出業績,集團將會喺美股明晚(22日)收市後放榜,因為睇返標普500每股盈利增長預測,有同冇Nvidia在內係有明顯分別,係咪反映Nvidia呢份成績表,係標指未來走向嘅關鍵?高富金融集團投資總監梁偉民指,Nvidia今年首兩季業績都唔需要擔心,因為基數仍唔算大,但去到下半年就要小心,因為增長會放慢。

雖然Nvidia對市有舉足輕重嘅影響,但美股後市似乎唔使太擔心,因為其他行業都追緊上嚟,除今季跑贏嘅通訊服務及公用股,亦包括零售及能源股等,令標普500每股盈利增長預測差距收窄,喺唔太集中於「七雄」下,係咪反映唔使太擔心指數嘅表現?

Wyman指出,美股今年升市分布的確較平均,雖然科技股仍一枝獨秀,但金融、能源等股份已累升逾10%,但更重要係,經濟及企業盈利係咪可以跟住股市上,但要留意個別公司估值已經抽高,所以美股後市仍有隱憂,又認為值博率已經細咗,始終股價已拋離盈利增長。