雅虎香港電視

【Now財經台】比亞迪股份(01211)昨日(30日)收市後出咗季績，首3季多賺18%，收入按年升24%至逾2011億人仔，首次超越同業Tesla，不過，比亞迪股價今日(31日)反高潮，一度挫逾5%。摩根士丹利仲「加把口」，指雖然比亞迪每架車嘅利潤按季上升，但其實唔符合預期，係咪反映集團以量取勝嘅策略適得其反？

艾德金融執行董事陳政深指，內地有好多企業都係靠做大規模搶市佔率，繼而攞到定價能力，但成效唔一定好大，甚至可能有副作用，其實成個行業嘅利潤率都低，加上唔問價咁谷銷量，對長遠發展未必有著數，雖然比亞迪未去到咁極端嘅情況，產品線之中仍有相對高定位嘅品牌，從兩個季度將推出9款新型號，反映比亞迪係用緊大包圍策略。

不過，Ryan補充，正因為比亞迪嘅產品線較Tesla闊，壞處就係要管理漫長嘅產品線，令管理成本增加，影響利潤率，所以即使比亞迪嘅銷售好過Tesla，盈利始終低過Tesla，導致業績後捱沽。