雅虎香港電視

【Now財經台】俄羅斯喺最新一輪談判後指出，會大幅減少對烏克蘭首都基輔及北部切爾尼戈夫嘅攻勢，消息刺激歐美股市造好，其中道指噚晚收市逾300點，不過，俄烏局勢緩和不利商品價格，紐約原油噚晚一度跌穿每桶100美元，金價則失守每盎司1900美元。紐油今個月曾見過92美元，倫敦布蘭特期油亦見過97美元水平，油價後市會點走？

艾德證券期貨投資策略總監文錦輝指，雖然俄烏喺土耳其會談中態度積極，但要留意俄羅斯唔係撤軍，加上兩國元首短期應該冇機會會面，市場嘅反應似乎太樂觀，佢估計，股市喺4月將面臨更大震盪，投資者唔好掉以輕心。

Felix又指，俄羅斯維持每月增產40萬桶石油，令油價唔會一下子跌得又急又多，佢又估計，油價喺約113美元有阻力，而96美元水平有支持。