近日內地疫情爆發式上升，唔少人都周圍搵藥，其中新冠口服藥成為目標，正版輝瑞新冠口服藥甚至由兩千蚊炒至1萬6千蚊人民幣，市面亦流通黎自印度嘅仿製藥。華大基因行政總裁尹燁喺微博話，陸續有朋友測試自己拎到嘅藥物係假，有印度仿製藥用治療流感嘅藥物偷換。 內地流傳各種東南亞生產嘅新冠仿製藥，其中黎自印度嘅兩款「綠盒」同埋「藍盒」嘅仿製藥最受歡迎，售價兩千到三千蚊不等，尹燁話，華大質譜團隊對一款綠盒仿製藥經檢驗後，發現成份係治療流感，認為咁係謀財害命。