雅虎香港電視

【Now財經台】中集安瑞科(03899)發零息CB籌10幾億，如果全數換股，佔擴大後股本唔多，但股價今日愈跌愈多，下晝一度跌超過10％，低見8.26元，錄得逾2個月以嚟最大跌幅，成交股數較過去100日同時段平均增超過4倍。

安瑞科今日一跌，插穿咗呢2個月嘅橫行區，100天線都頂唔住，依家只剩返250天線未失守，即7元水平，但仲有逾10%距離，下試機會應該唔大。

安瑞科股價今年累升近80%，8月及9月期間曾大升逾50％，衝上12.28元嘅7年高位後就回落，後市要睇下CB消息消化後有冇力反彈。