雅虎香港電視

【Now財經台】中集安瑞科(03899)今日高開逾4%後，升幅不斷擴大，下晝一度衝上暫時高位6.3元，升逾24%，之後續企穩6元樓上，成交股數較過去100日同時段平均大增12倍。安瑞科股價暫時連升3日，以今日即市高位計， 累升28%，升上2019年7月以來高位。

安瑞科股價今個月已升咗25%，之前又傳出分拆業務喺A股上市嘅消息，令股價持續強勢，暫時已連升7個月。

股價今日大幅抽高，上試由2018年中，9元樓上一直引伸落嚟嘅下降阻力，現時喺6.6元有阻力，同今日即市高位比較，僅相距約0.3元。