雅虎香港電視

【Now財經台】中國中藥(00570)股價昨日(26日)喺大成交急挫，今早(27日)仍未止瀉。

中國中藥股價昨日一度急瀉14%，今日繼續跌，一度挫7%，低見3.43元，中國中藥連續兩日「跳水」兼有大成交配合，今日中午收市前成交金額已近3億元。

中國中藥正部署私有化，股價呢兩日遭拋售，難免令人聯想到私有化計劃係咪有變，趁半年結前先行獲利，還是有春江鴨，就要留意公司會唔會有交代或澄清。

中國中藥股價連續兩日大跌，公布私有化計劃後嘅升幅已「化灰」兼跌凸，其實公布私有化消息前已偷步升咗幾日，未起步前喺2.8元至2.9元水平上落，如果一直冇下文，股價有機會落返3元樓下。