雅虎香港電視

【Now財經台】美國非農新增職位略高過預期，失業率就跌至3.5%，平均時薪按月升0.3%，全部都符合預期。不過，上月「家庭調查」嘅就業人數增加逾57萬人，勞動參與率亦升至逾62%，係咪反映美國勞工市場未有冷卻跡象？科企裁員潮及銀行爆煲風暴，對勞工市場嘅負面影響浮現未？

獨立市場策略師陳俊文指，唔少科企喺疫情期間過度擴張，導致爆發裁員潮，但由於科企員工數目較服務、零售業少，導致整體勞工情況仍然失衡。

至於銀行爆煲風暴，Norman認為，相關事件或已接近尾聲，因此，唔會對勞工市場造成直接影響。佢又話，雖然美國勞工市場有初步冷卻跡象，但失業率仍處於50年低位，相信仍要進一步降溫，先可以紓緩聯儲局對經濟過熱嘅憂慮。