雅虎香港電視

【Now財經台】南韓三星電子(Samsung Electronics)第3季初步業績顯示，營利潤大升2.7倍至9.1萬億韓圜，但低過分析師預期，原因係乜嘢？三星未來可以點樣突圍？

易方資本助理基金經理王逸研表示，三星一直都係主打動態隨機存取記憶體會(DRAM)，但自7月起，DRAM價格開始低迷，而喺人工智能(AI)熱潮下，高頻寛記憶體(HBM)成為最新搶手貨，但三星嘅HBM同其他大廠如美光(Micron)、英偉達(Nvidia)仍有一段距離，佢認為，三星把握唔到AI機遇之餘，傳統業務又受挫，導致業績差過預期。

Issac認為，三星未來將業務分拆可能係其中1個可行方案，亦可以仿效當年台灣聯華電子，暫停投放資源喺新投資，改為專注發展自身業務，因為三星現時要追趕其他大廠會好吃力，若要持續發展，需要大量外國客戶，不過，當客戶不足時，虧損就會好嚴重。此外，亦要考慮一旦集團晶片成功升級，可唔可保持及跟到大隊。