【期匯決算】CPI出爐前美匯指數續橫行

now.com 財經
1 年前

【Now財經台】美國11月CPI數據今晚出爐前，美匯指數繼續橫行，最新喺104.9水平徘徊，喺CPI數據及美英歐央行公布議息結果前，匯市情緒係咪傾向審慎？

資深外匯分析師陳欣指，市場的確係比較審慎，雖然唔排除聯儲局已經知道CPI數據，但主席鮑威爾之前轉口風，如果CPI進一步回落，會畀咗一個加息方向聯儲局，今個月加0.5厘已經係市場共識，相信加多或減少機會都唔大，但之後會唔會再上調加息幅度，就要睇CPI會唔會持續回落。值得留意嘅係，就算CPI進一步回落，只會為美匯指數帶嚟短暫壓力。

Chase又話，聯儲局通脹目標同依家實際通脹數字仍有一段距離，尤其核心通脹仲升緊，如果通脹繼續朝依家嘅方向走，唔排除聯儲局嘅加息幅度會維持0.5厘一段長時間。