雅虎香港電視

【Now財經台】美國聯儲局將會喺本港時間周四凌晨2時公布議息結果，維持利率不變已成定局，焦點反而落喺議息聲明，到底會釋出鷹派還是鴿派訊號，會唔會改變「higher for longer」，都好影響股債表現，美匯指數係咪要等埋議息聲明先會有更明確走向？

東亞銀行財富管理部高級投資策略師黃燕娥指，市場預期聯儲局今次會按兵不動，但貨幣政策就要仔細睇返會後聲明，因為美國經濟似乎比預期中強勁，好大機會可以「軟著陸」，為局方提供加息條件及空間，之前兩次議息會議嘅點陣圖，都反映年內仲會加1次息，但市場似乎唔係好相信。

Angela又話，除非今次議息聲明取態冇咁鴿，甚至有少少鷹派，都會繼續利好美匯指數走勢，而107及108水平會有較大阻力。