【期匯決算】若以巴局勢升溫 逢低吸納石油

8 個月前

【Now財經台】以色列總理揚言要摧毀哈馬斯,以色列隨時全面攻打加沙,令市場憂慮伊朗會加入戰團,不過,有外媒指,美國總統拜登本周將會到訪以色列,戰事可能有望降溫,紐油喺亞洲交易時段靠穩,倫敦布蘭特期油於每桶90美元水平偏軟,短線仲有幾多上望空間?

MAX Online亞太區業務總監杜浩霆指,油市依家一定係由消息主導,但消息滿天飛,所以都好難估,投資者宜做兩手準備,如果今個星期戰事升溫,到時預咗油價會升一浸,但未必可以升穿90美元、92美元,可以考慮逢低吸納。

佢又話,若今個星期以巴戰事呈拉鋸局面,估計試完87美元後,有機會回落。