雅虎香港電視

【Now財經台】英特爾(Intel)宣布投資200億美元起晶片廠，踩入晶圓代工市場，硬撼台積電。早前傳出Intel想轉型做上游設計，依家上下游都做，對台積電以至中芯國際(00981)有咩影響？

艾德證券期貨投資策略總監文錦輝指，如果Intel上下游都做，長遠嚟講，固然對做晶圓代工嘅台積電等有較大影響，但Intel要為呢項新業務投放大量資源，係咪有利仍然係一個問號。Felix又話，市場對Intel進軍晶圓代工市場，未必有正面反應，其實公司應集中火力做上游搞研發，而市場對Intel同時兼顧上下游業務摸不著頭腦。