【專家分析】美國貼錢再建廠 台積電得益有限

2,084 次觀看・1 個月前

【Now財經台】美國商務部昨日(8日)公布,將會向台積電(TSMC)提供高達66億美元,折合515億港元嘅補貼,以及50億美元低息貸款,協助集團喺亞利桑那州鳯凰城興建第3間先進晶圓廠。值得留意係,台積電第2間廠房仍未落成,預期2028年開始生產全球最先進嘅2納米製程晶片,今次興建第3間晶圓廠嘅消息,對台積電股價有幾大幫助?

高富金融集團投資總監梁偉民認為幫助唔大,因為台積電都未必好想喺美國設廠,始終成本較高會影響毛利率,加上美國生產晶片配套一向唔多,所以較難搵到同台灣差唔多又比較好嘅配套,因此,即使美國提供補貼興建第3間晶片廠,對台積電收入及盈利都未必有好大幫助。

Wyman又指,美國出於政治考慮,強調要喺美國本土生產晶片保障供應鏈,因此,晶片企業獲邀去美國設廠係大勢所趨。