雅虎香港電視

【Now財經台】人仔近日強勢，離岸價昨日(19日)仲創咗今年新高，但似乎對港股幫助唔大，雖然恒生指數昨日埋單都升咗百幾點，但全日高低波幅只係百幾點，波幅係3個月最窄，成交就縮到唔夠1000億元，連北水都走人，昨日淨流出逾60億元。此外，雖然騰訊控股(00700)業績好過預期，但股價唔識升，點解讀呢個情況？

高富金融集團投資總監梁偉民表示，北水過去1年，甚至更長時間，短炒嘅時間愈來愈短，最近見港股彈返少少就平倉獲利離場。至於騰訊股價喺業績後冇進一步上升，可能同股價今年已累升20%至30%有關，而市場喺騰訊放榜前已對呢份業績有一定預期，所以可能要更多利好消息，先可以刺激股價向上。

Wyman又認為，暫時嚟講港股表現唔算太差，已自低位彈返唔少，若後市再升少少，就可以擺脫5月開始形作嘅下降軌。