雅虎香港電視

【Now財經台】特步國際(01368)獲滙豐證券唱好後，一度逆市飆約14%。不過睇返滙證份報告，唱好理由包括品牌今季銷售改善會利好出年盈利，網上銷售增長等，新城晉峰金融集團分析員莫灝楠就話係舊調重彈。

佢認為特步今日爆升主要因為之前估值太殘，今明兩年預測市盈率20倍左右，係體育用品股行業中算平，加上業績有改善，所以吸引到資金追落後，但佢坦言滙證講嘅「故事」唔太吸引。

Casper又話，兩隻體育股李寧(02331)及安踏體育(02020)舊年已經谷爆盈利增長，幻想未來幾年可以維持差唔多嘅增長幅度係未免太樂觀。