雅虎香港電視

【Now財經台】港股昨日(20日)彈逾300點，主要係港匯轉強及人仔急升，離岸人仔今朝持續強勢，恒生指數可唔可以趁勢重上18000關？

高富金融集團投資總監梁偉民指，恒指重上18000點絕對唔出奇，最近人仔息口回升，一定利好港股，大市之前到落17000點水平，處於一個低殘水平，估值非常吸引。

個股方面，小米集團(01810)噚日收市後交咗靚業績，上季轉賺逾48億人仔，經調整淨利潤更大升1.8倍，毛利率又創新高，後市係咪值得睇好？

Wyman話，雖然小米業績對辦，超預期，但現價唔值得買入，主要係手機銷售仍然疲弱，估計銷售短期都唔可能重返一個理想水平，揀股方面，佢指出，如果想買科網股，不如揀返騰訊控股(00700)、阿里巴巴(09988)。