【專家分析】許家印要揞荷包還債？恒大「失救」？

now.com 財經
2 年前

【Now財經台】據《彭博》引述消息指，內地監管部門敦促中國恒大(03333)董事長許家印用自己身家還債，但恒大已債台高築，許家印嘅個人身家應該唔夠還債，最終會點收科？

艾德證券期貨投資策略總監文錦輝指，如果中央出到聲，呢間公司好大程度上已經冇可能救得返。Felix提醒，大家要小心債券逐步到期時，恒大有機會要淡出投資市場，依家中央要盡力確保恒大嘅資金用嚟繼續起樓，再將現有嘅土地儲備賣出，希望可以處理呢兩年嘅債務，見步行步。

恒大後日又有一筆4500萬美元已經到期債息嘅還息寬免期完結，呢一關又唔知點過？