雅虎香港電視

【Now財經台】滬深300醫樂衞生指數過去3個月累升逾6%，係滬深300行業分類指數中表現最好，而恒生醫療保健及生科指數喺過去3個月都跑贏恒指兼有得升，醫藥生物行業繼2021年第3季後，再成為第2重倉行業，早前，內地進行醫藥行業反貪一度影響板塊氣氛，但睇返近期表現似乎已消化晒不利消息，醫藥股係咪開始轉勢？

艾德金融董事陳政深指，醫藥股表現的確好返，即使股價跌仍有資金願意入市，形成一個反彈勢頭，不過，入市都有一個基準，同埋資金都會審視返基本因素及宏觀狀況，始終醫藥股或醫療行業喺唔同經濟周期都有一定需求，而內地對唔同藥物嘅需求都大咗。

Ryan又話，依家內地嘅風眼始終喺內房，醫藥股講基本因素唔算太差，涉及金融相關風險嘅機會亦比較細，所以對資金嚟講仍有吸引力，一啲龍頭、大股之前較強勢，其他生物科技股等走勢又跟得上，令整個板塊慢慢做返好。