雅虎香港電視

【Now財經台】市場近日焦點一定係噚日(11日)上市嘅11隻比特幣(Bitcoin)現貨交易所買賣基金(ETF)，首日成交活躍，涉資逾46億美元，其中，由Grayscale發行嘅的Bitcoin現貨ETF佔一半，至於Bitcoin價格曾衝上49000美元。Bitcoin現貨ETF成交會唔會愈來愈活躍？點睇對投資者嘅吸引力及價格走勢？

博威環球證券金融首席分析師聶振邦估計，Bitcoin現貨ETF成交好大機會持續活躍，美國證交會(SEC)批准Bitcoin現貨ETF上市嘅消息一出，Bitcoin價格一度升上49000美元，表現亢奮，相信會吸引更多投機人士參與交易。

聶Sir又相信，市場憧憬Bitcoin現貨ETF嘅出現，會令基金做被動操作，直接買入Bitcoin先可以營運基金，為價格提供上升動力，因此，佢睇好Bitcoin現貨ETF及Bitcoin價格今年表現，但佢提醒，之前因為交易所「爆煲」事件導致Bitcoin價格波動，投資者入市時必須留意個人風險承受能力。