雅虎香港電視

【Now財經台】港股形勢凶險，之前唔少分析話，恒指連番失守25000點，已經出現兩隻腳，但又冇好快出現有力嘅反彈，似乎出現咗第三隻腳。恒指噚日收市唔止插穿25000點，仲刷新今年低位，恒指今個星期暫累跌逾1500或過5.8%，單周跌幅仲大過7月、8月底急挫時，喺監管陰霾、中國恒大(03333)債務風暴夾擊下，港股後市係咪都好難樂觀？

華盛証券證券分析師聶振邦指，喺監管消息影響下，短炒要做好止蝕部署，即使唔係清倉，近兩個星期買入嘅股份都應該減持，如果係中長線投資，或者持有嘅唔係風眼股，或息率有5厘至6厘嘅傳統經濟股，都可以繼續持貨觀望，聶Sir又提醒，科技、內房股就最好避開。