雅虎香港電視

【Now財經台】聯想集團(00992)出咗業績，第2季收入按年跌16%，股東應佔溢利按年跌54%，毛利率就按年微升0.7個百分點。聯想收入已連跌5季，盈利亦連跌4季，不過，按季比較收入及盈利都有改善。值得留意係，上半年毛利率17.5%，創集團歷來上半年新高，呢份成績表收唔收貨？

匯盈集團研究部主管陳鳳珠表示，過去兩年受疫情影響，令個人電腦供求大幅增長，因而出現高基數效應，因此，好多條數按年比較都係向下，雖然聯想第2季業績的確好過第1季，但要留意呢個勢頭可唔可以持續，暫時仍未能確認集團係咪全面復甦。佢又話，聯想毛利率上升係受惠於高利潤嘅方案服務業務增速加快，若未來呢項業務佔比提升，就可以推高毛利，甚至令盈利回升。

陳鳳珠指，聯想業務另一個重點係...