雅虎香港電視

【Now財經台】美國3月非農新增職位23.6萬個，多過預期，失業率就回落至3.5%，另一方面，ADP就業數據及服務業數據都明顯轉差，最新出爐嘅非農數據，係咪進一步確認聯儲局加息成效已逐步浮現？

高富金融集團投資總監梁偉民指，非農數據反映美國就業市場仍然健康，如果單睇非農數字，就業市場冇明顯轉差，但同過去1年比較，增速的確係放慢咗，始終加息係會影響經濟。佢又話，其他經濟環節其實一直反映經濟動力轉弱，例如樓市及零售。

Wyman續指，除咗非農外，過去1個月，新領救濟、私人就業職位等，都反映就業市場降溫，相信之前嘅强勁勢頭不再，未來幾個月嘅情況應該會惡化，但暫時唔會出現太惡劣嘅情況，而美國經濟今季陷入衰退嘅風險唔大，相信第3至第4季機會較大。