雅虎香港電視

【Now財經台】雖然恒指同2月高位31183點，仲有約15%距離，但已自上月低位24581點，彈咗超過1700點，上返26300點樓上，市場對內地監管風暴嘅憂慮係咪已經反映晒？

艾德證券期貨投資策略總監文錦輝認為，阿爺喺監管風暴後，一口氣推出幾項經濟政策畀甜頭，例如成立北京證券交易所，吸引中小型科技公司再上市，同時吸引鍾情新經濟公司嘅私募基金走入內地，有助激活資本市場。不過，Felix話，港股跟跌唔跟升，要跟住A股升，收復返27000點有啲難度。

至於科指近半個月累計彈咗超過16%，大幅跑贏恒指，依家所有成分股都唔再超賣。Felix話，之前投資者唔問價沽貨，將部分科技股估值推到好低，相信加埋北水力撐，後市仲有得彈。