雅虎香港電視

【Now財經台】內地車廠積極推出新車，包括華為問界、小米集團(01810)小米汽車、吉利汽車(00175)極氪，睇返1月上半個月銷量，問界及極氪雙雙跑出，係咪反映呢類明星新車較受市場追捧？

艾德金融聯席董事陳政深指，華為及吉利旗下呢兩個品牌個性兩極，問界產品設計圓潤，市場會容易接受，極氪設計就較前衛，兩個品牌各有捧場客，市場定位唔會重叠。佢又話，由於極氪背後係吉利，定位及定價會較高，目標客群都係消費力較強，亦較接受國產品牌，佢估計，呢啲明星品牌未來嘅銷量會進一步上升。

有指華為對理想汽車(02015)威脅較大，因為市場定位相似，目標客群又重疊，點睇理想嘅前景？Ryan話，理想過去靠增程式電動車食糊，將來做純電動車競爭就大好多，加上市道問題，理想面對嘅競爭唔小，好難好似以往咁順風順水。