【專家分析】理想唔好貪平亂「上車」？

now.com 財經
11,913 次觀看・1 個月前

【Now財經台】理想汽車(02015)月初推出，曾寄予厚望嘅首款純電MPV產品MEGA，市傳銷情遠差過預期，半個月只得4000架定單，要實現全年80萬架嘅交付目標絕對唔容易。內地電動車價格戰持續，加上歐盟對中國電動車企進行反補貼調查，代表共和黨出戰美國總統大選嘅特朗普(Donald Trump)講明要加中國製汽車關稅，投資者係咪都唔好「上車」？

高富金融集團投資總監梁偉民指，理想去年表現好好，銷售超出市場預期，帶挈股價升咗唔少，但今年情況逆轉，銷售量開始減慢，新車銷情又一般，始終行業競爭太激烈，公司一定有減價壓力，繼而影響毛利率及盈利增長，佢坦言唔睇好整體車股後市。

Wyman又指，雖然理想嘅股價回落，投資者可以考慮入手，但如果要買內地車股，揀返龍頭比亞迪股份(01211)比較穩陣，始終集團規模大，喺競爭激烈嘅環境下較易生存。