雅虎香港電視

【Now財經台】Nvidia發盈警，主要係遊戲相關產品銷售失色，估計季度收入比預期少17%，拖累股價跌6%之餘，更拖冧埋半導體股，費城半導體指數近90%股份都要跌。雖然呢個盈警唔算太嚇人，但高盛、摩根士丹利都睇淡企業盈利前景，到底係大行睇法太悲觀？還是只係個別行業會面臨困境？

潤淼資產管理董事盧志威指，Nvidia遊戲相關產品銷售主要受Crypto及消費品市場疲弱影響，其實成個半導體行業都面對呢個情況，到底呢個周期幾時先可以恢復，暫時好難確定，現階段仲係處於尋底階段。

佢又話，睇返美股整體企業盈利，好多股票都處於景氣收縮嘅狀況，依家比較受歡迎都係防守性高、必須消費品類股份，因為可以將成本轉嫁畀消費者而銷售唔會跌，佢認為大市嘅PE及增長前景都會收縮，但部分股票表現會較好，揀股時就盡量揀呢類。