【專家分析】炒美減肥藥股fat fat?

5,304 次觀看・4 個月前

【Now財經台】美股昨日(8日)有兩隻焦點股,當中包括全球市值第1大嘅醫療保健公司禮來(Eli Lilly),旗下糖尿病藥獲美國食品及藥物管理局(FDA)批准用於減肥,股價噚晚升逾3%,創收市新高。早前,有分析估計,全球減肥藥市場規模到2035年將達千億美元,減肥藥未來係咪會繼續成為炒作主題?

東亞銀行財富管理部首席投資策略師李振豪認為,減肥藥主題早喺3、4個月前已開始炒緊,標指嘅保健(Health Care)板塊已由低位升咗逾17%,即減肥藥主題已炒咗差唔多1季,情況同之前嘅人工智能(AI)概念差唔多,市場憧憬有demand different及科技突破,事實上,減肥藥需求大,亦比AI實在,今次FDA呢個決定,相信會令仿製藥好快面世,佢又睇好保健板塊前景會比AI或科技股更堅實。