雅虎香港電視

【Now財經台】人民幣過去4日強勢，噚日在岸同離岸價齊齊升穿中間價水平，是7月底以嚟首次，但港股跟唔到人仔強勢，上日高開低走，恒指18000點收市企唔穩，港股後市受制於咩因素？

鴻鵠資產管理行政總裁陸庭龍指，港股近期每次反彈都只係維持到1日，之後就回軟，主要反映市場對中國經濟前景憂慮，認為中國針對房地產貸款嘅政策，短期難以扭轉房企負債情況。

Alan話，港股落後全球股市，年尾可能追落後，不過受制於宏觀經濟，市況未必大幅改善。